志師傅話：「隻貓仲受歡迎過我呀。」（喵真係好得意！）
今日Urban Touch深水埗寶華扎作，舖頭喺1963年成立，志師傅係舖頭第二代。二十年前，志師傅初次幫爸爸手整楊桃燈籠，後尾一直喺舖頭幫手，特別鍾意整吓新款嘅扎作，試過整跳舞氈、土匪雞翼等，最滿意自己受邀參展嘅作品—任天堂遊戲機（紙 version）。近兩年志師傅爸爸退休，志師傅正式接手，工作忙碌，少咗時間自己做作品，但亦接受顧客訂製。
今年中秋，志師傅用咗三個月時間製作十六個旗袍公仔，而家喺維園有得睇！呢幾日就受邀教唔同團體嘅人整燈籠，忙呀！不過佢自己都話，有時都玩貓玩到唔想做嘢！